TVB「愛回家」計劃救港視棄將

香港電視網絡主席王維基申請免費電視牌照慘遭滑鐵盧，旗下員工前路頓成問題，由於台前幕後不乏業界精英，無綫方面本着愛才之心，昨日正式成立熱線，呼籲有志繼續於視圈發展的人士聯絡他們求職。

這個名為「愛回家」的計劃，分別於藝員科及人事科成立兩條電話專綫及傳真號碼，歡迎任何被裁的港視員工查詢，昨晚更在節目《東張西望》內公布詳情，並播放一條由兩大熱門視帝黎耀祥及陳豪拍攝的「愛回家」短片。無綫企業傳訊部副總監曾醒明昨證實相關決定：「最主要係吸納番啲人才，只要對電視行業有熱誠嘅，無論喺TVB做過同未做過嘅都同樣歡迎，但會優先處理舊同事個案，其他會按需要再作決定。」

胡杏兒	駱應鈞：點都係好事。	艾威：我同無綫高層有保持聯絡。

對新措施表現受落

「愛回家」一推出，曾効力無綫的藝員紛表雀躍，包括早前被「欽點回巢」的駱應鈞，他接受電話訪問時坦言：「點都係好事，不過我同王維基方面仲有年幾合約，可能要等件事再明朗化啲，我先可以決定到自己嘅去向。」至於80年代加盟無綫、先後兩度離巢的林嘉華亦稱：「上兩次返無綫都係幫手做救兵，再返去就第三次喎！佢哋今次嘅決定當然係件好事，我依家返唔返去都仲未知，但對於有誠意嘅機構，當然唔排除合作嘅機會，不過一切當然要以劇本行先。」

林嘉華：唔排除與有誠意機構合作！

無綫特別為舊員工設立兩條專線。（資料圖片）

身為王維基同窗的艾威一直被指身份敏感，不過談到無綫伸出善意之手，他似乎亦相當受落：「點都係好事。（唔驚尷尬咩？）雖然我同王維基係同學，但都要簽合約o架，我同佢嘅合約到明年3、4月，當然想繼續喺演藝事業發展啦，講真，我同無綫好多高層都有保持聯絡，前晚仲喺公眾場合撞到樂小姐（樂易玲），大家都有打招呼。（佢同你提回巢？）咁又冇，太多人唔方面嘛。」

張可頤嚮往自由身

至於與香港電視仍有八個月合約的綠葉藝人張松枝，對該計劃大表支持：「呢個做法會令我哋舒服啲。」不過他表示為尊重現有合約，暫不會想是否重投無綫，又指收入暫不成問題：「我啲糧仲係照出。」昨日在微博透露巧遇發哥的他又補充謂：「發哥有問我依家搞成點，話唔得嘅唔緊要，可以返大陸。」而張可頤直言嚮往自由身的生活，短期內都不會返無綫，並澄清自己財政無問題。

此外，港視多名藝員分別在前晚及昨晨在政府總部集會，包括廖碧兒、林文龍、唐寧、郭鋒等，林文龍感謝市民送食物及湯水。

無綫「愛回家」熱線電話：

藝員科專線（藝員專用）：51951970或51951978

傳真：23357363

人事科專線（幕後人員專用）：23352371

傳真：23352299

文：影視組