泳兒揀師弟妹唔使樣靚
歌手泳兒、許靖韻（Angela）及洪杰昨日出席英皇新秀歌唱大賽2013準決賽，泳兒話自己首次任評判，有感身負重任，問到她可有評分準則？泳兒就話：「唔一定要靚仔靚女，外表唔反感就OK，最緊要有個人特色。」
至於英皇女新人Angela就笑言自己榮升「師姐」，望住一班參賽者令她憶起當年膽粗粗拎住部電子琴就去參賽的趣事，至於Angela可有致勝秘訣？她就分享道：「比賽同平時練歌好唔同，平時表現可能好啲，所以要有勇氣先可以騷到你嘅才華畀大家睇。」同樣由新秀出身的洪杰就呼籲參賽者要盡力發揮自己。而經過一輪比賽後，八強已經誕生。
提到謝霆鋒的嫲嫲早前安詳離世，泳兒話霆鋒為人專業，相信不會影響工作。