湯洛雯讚羅天宇好男仔

藝人羅天宇、湯洛雯、蔣家旻、港姐劉佩玥和歐陽巧瑩等人，昨晨出席「鼠戰中環慈善接力賽2013」活動。羅天宇和湯洛雯最近傳出緋聞但仍大方合照。羅天宇否認與湯洛雯拍拖，他說：「大家拍劇時係情侶，現實中係朋友，（女仔為人點？）幾好。（想佢做你女友？）劇中已經係啦，依家有好好工作機會，想專心拍好劇。」自言單身的湯洛雯亦強調不是拍拖，她說：「呢幾個星期同佢有好多對手戲，咁收工咪一齊食嘢囉。（發展機會？）冇諗過呢啲。（為人？）佢係我前輩會教我做戲，好男仔、好斯文。（追你接受？）到時先算，你咁講搞到我好尷尬。」