連詩雅呻悶出擊求愛
連詩雅出道以來緋聞多多，但全屬煲水，她大呻入行後身邊朋友愈來愈少，令拍拖的機會亦隨着減少，期望可以認識更多新朋友發展新戀情。為了早日搵到Mr. Right，她除了出動招牌長腿外，更穿上迷你裙褲擘髀打鼓，轉sell音樂才華。
歌手連詩雅（Shiga）早前出席新城電台節目「娛樂旗艦店」的戶外錄音，偕節目主持人路芙、董敏莉及Bingo一起到樂隊Dear Jane低音結他手Jackal的音樂室jam歌，儘管當日Shiga穿了一條迷你裙褲，不過一對着面前的鼓，坐姿即豪邁起來，揮動鼓棍還似模似樣，她說：「因為之前同Dear Jane合作過個騷，佢哋都教過我一啲鼓嘅基本嘢囉。」
認識新朋友
打起鼓來激情澎湃，可是感情生活依然Dry爆，曾與周柏豪及關楚耀等型男傳緋聞的Shiga感慨說：「隨緣啦，其實依家已經冇以前咁抗拒去談戀愛o架喇。」
由於Shiga經常與Dear Jane合作，差不多日見夜見，會否與任何一位成員日久生情？Jackal即插嘴回應：「喺我哋眼中佢太男仔頭喇。」Shiga則表示：「其實我哋同公司嗰啲都太熟，太似一家人喇，太熟就好難發展o架喇，我要認識吓啲新嘅朋友先得喇。」
重視頒獎禮
臨近年尾的頒獎禮，問到Shiga與Dear Jane可有信心奪獎？Shiga自嘆：「我喺年中有好多工作都放咗去拍電影，依家接近年尾我真係要加把勁追番啲時間，我唔可以話冇信心，但亦都唔會話覺得自己一定有啲咩成績嘅，我點都會追番啲喺音樂上面嘅時間。」而Jackal則代表Dear Jane回應：「坦白講，我哋係有信心嘅，全因為早前我哋首新歌喺網上嘅反應相當之唔錯，短時間內已經有幾十萬嘅瀏覽次數。」
文：音樂組