汪圓圓學打呔箍蔡加讚

汪圓圓以優雅淑女造型為活動行騷。

甄子丹姨仔汪圓圓昨日與林峯女友吳千語、歌手官恩娜、名模Ana R.、Jocelyn、姚書軼等出席「莎莎婦女銀袋日」活動並擔任模特兒行騷。台上圓圓要為男模打煲呔，但她只把煲呔箍在對方頸部，不懂打呔的她受訪時自言感到瘀爆，表示未幫過未婚夫蔡加讚打煲呔：「佢自己好識打扮，所以都好少幫佢。但我覺得女仔幫男仔打好浪漫。（以後日日幫佢打？）我download咗個app學！」談到早前到法國影婚紗相遺失行李，她表示當時緊張得要命：「入面有啲嘢唔係我，我好大責任，有晚裝、首飾，發咗癲！」之後找回行李箱，她感到猶如中六合彩一樣，笑言開心過結婚！

吳千語結婚怕攰

至於戴上誇張頭飾的吳千語，透露在髮型屋門口「kick」住頭飾，上車後亦不敢郁動，在台上還不小心碰到汪圓圓及官恩娜的帽子。提到往年出席該活動的女性都已婚或準備結婚，例如張梓琳、汪圓圓，問她會否是下一個？千語說：「係咩？我頭先有恭喜圓圓，但我覺得搞婚禮好辛苦，好多嘢要煩、要忙，我聽過有人擺三、四日酒，對新人一定好攰，晚晚飲酒敬酒。（嚇怕咗？）我經理人之前結婚，佢嗰排頭腦已經唔清晰，搞亂晒我行程。」

放大圖片	不懂打呔的汪圓圓，只將煲呔箍在男模頸部。

另外，林峯日前為其代言的六福珠寶內地分店開業剪綵，他挑選現場觀眾上台玩有獎遊戲。其中有位女粉絲激動得當場落淚，林峯親自遞上紙巾安慰對方。

文：名人組