陳敏兒唔反對囝囝拍拖

廖啟智太太陳敏兒日前到電台與主持薛家燕大談子女經,陳敏兒笑言與家燕姐有不少共鳴,皆因兩人曾做過「怪獸家長」,她說:「當年做怪獸家長好似癲婆咁,雖然嗰時唔使排隊報學校,不過我走晒後門,托人事關係入學校,囝囝入讀後,我又干擾校政,回望番自己嘅行為就乞人憎,我係一個操控型媽媽。」

她直言老公智叔在家中擔當平衡角色:「佢只係注重仔仔嘅品格。」幸好,她稱現在已「改過自新」,並成立學習基金會與其他家長分享。而大仔最近亦開始拍拖,她說:「見過佢女朋友,我唔會阻止佢哋,但我有過兩招畀個仔。」