容祖兒露皮球噴血自豪
樂壇天后容祖兒男友劉浩龍（師兄）有份為王維基的香港電視擔綱主演劇集，可是不獲發牌即代表劇集播映無期，祖兒前晚出席活動時亦替男友感到不值，發聲支持香港電視，直言覺得王生很有誠意，對其未獲發牌感到慘和可惜。
王維基的香港電視不獲發牌，不少人亦大感可惜和失望，而他製作好的多套劇集也都播映無期，樂壇天后容祖兒（Joey）的男友師兄劉浩龍亦有份擔網主演其中的劇集，身為女友的Joey對於男友付出的努力和演出未能給予觀眾欣賞自是覺得不值，前晚她出席Balenciaga酒會時，被問到王維基的香港電視不獲發牌一事，Joey就難掩失望之情說：「一個字，慘！覺得可惜，作為觀察都想有多啲節目，多啲選擇。王生好有誠意，拍咗好多劇集，睇咗Trailer覺得幾好。之前突然聽到有300幾個員工被裁，好擔心佢哋會唔會搵到工，佢哋各自有自己嘅處境，可能會等住開飯。我會覺得『點解呢？』」
Bra top誘惑
當晚Joey一身性感打扮上陣，穿上Deep v連身裙露出黑色皮Bra top的她誘惑非常，當她行向Backdrop拍照時，自己邊行邊細細聲說：「流鼻血，流鼻血。」表現可愛。被大讚性感的Joey自豪地說：「真材實料o架。（收咗好多錢？）唔係，大會好想我着，我多番考慮後覺得都可以，我加咗啲安全措施，加咗私伙皮Bra。（夠喇？）內膽好貼嘅。幾健康，幾靚，幾有線條呀。（有無畀師兄過目？）無喎，唔使o架，都OK嘅。（怕唔怕佢呷醋？）睇多兩次會慣o架喇。」問到她的演唱會可會更性感，Joey說：「啲人話我張Poster都有咁嘅效果，唔係Concert時收埋掛？我知大家有期望，唔會令大家失望，但會係點到即止。（會大膽過今日？）今日都好大膽o架喇。」
她又透過早前的英國之旅主要是去買衫，她說：「今次行程好緊密，去得幾日，買咗兩件歌衫，同埋去咗見當地好出名嘅帽飾設計師Stephen Jones，佢幫我設計咗Concert大量頭飾，好靚，好開心，佢仲畀咗好多意見我。今次好重本，我自己揼本出嚟先，我會攝張單話畀楊生（楊受成）知我張卡碌唔到。（用咗幾多錢？）暫時未知幾錢，豁出去，應該有6位數字，但係好值得，除咗歌之外，都想畀大家睇最新最靚嘅嘢。（會唔會搵師兄做嘉賓？）未諗，不過一直無諗過喎。」
擔正男主角
同場的周柏豪就表示早前割了眼瘡（即眼挑針），稍後將會到泰國拍戲，他說：「飾演一個好殘暴嘅殺手，係象人嚟。（咪要醜樣囉？）拍戲係好新鮮嘅工作，難得擔正做男主角，咩都無所謂。」
文：名人組