張松枝買餸慳家街坊打氣

因香港電視不獲發牌而前路茫茫的綠葉藝人張松枝,昨日以街坊look現身九龍城街市買餸,曾揚言想轉行的他,兩鬢更比之前多了很多白髮,感覺落寞。直認有經濟問題的張松枝,買餸時更精挑細選,前後只花八十元。

而松枝買餸期間,不少街坊一眼便認出他,更力撐及安慰他說:「唔緊要啦,做唔到咪返內地囉,政府都離晒譜嘅。」面對街坊熱情支持,張松枝笑着回應謂:「都唔諗太多喇,到時先算,多謝關心。」買完餸後,張松枝再到附近玩具店及零食店選購物品,估計是送給囝囝,不過望了大約半小時,張松枝都未能揀啱心水,最後只買了約廿元買零食便折返九龍城寓所,全日只使了一百元,十分慳家。