林文龍高皓正遊行抗爭
藝人林文龍對於香港電視不獲發放免費電視牌照，昨日轟政府不公開「落選」原因，並促請政府站出來釋解大家疑慮。他與高皓正等一眾港視藝員表示定必支持遊行。
香港電視不獲發放免費電視牌照，一班現任或曾是旗下的藝人林文龍、高皓正、艾威、黃澤鋒、郭峰、彭國樑、李忠希、劉伊靜、朱婉儀和關伊彤，昨日齊集為nowTV節目《娛樂審死官》接受主持梁思浩和KAWAII訪問。
與香港電視以部頭式合作的林文龍，手頭上的劇集《天網》突然煞停。當問到是否獲得賠償，他說：「我唔知，錢唔係放最重要位置。」他更不滿政府未有公開「落選」原因，他勞氣的說：「我哋都係要知個原因，就可以平息大家疑問。唔公開，係於理不合。（有傳不是包尾）傳聞啫，政府唔企出嚟去講，就會令大家有好多謠言、揣測。」
難教育下一代
有傳王維基進行司法覆核，林文龍說：「任何行動都係想要個答案啫。溫和、理性嘅處理，唔代表接受可以繼續受欺壓和唔尊重。我星期日會去遊行，娛樂圈一分子都唔支持，我過唔到自己嗰關。如果政府透過唔交代去SETTLE DOWN件事，我點去教下一代。例如個女考試高分但都不及hea住嘅同學，我點教？點解香港愈來愈不和諧和多反對聲音，政府同市民距離愈拉愈遠，唔係一朝一夕。」他表示時間太倉卒，不會馬上決定會否返無綫或其他電視台。
劇集煞停嗌愁
快將再為人父的高皓正透露與香港電視還有半年合約，事件令他感到心痛，問到會否返無綫工作，他先澄清並不是挖角潮期間離巢，續說：「未到絕境。（絕境先返？）咁我都要食飯。為咗下一代，我會出席遊行。」藝人黃澤鋒、艾威也是明年三月才約滿，黃澤鋒表示有兩部劇未埋位便已煞停，心中只有一個「愁」。而艾威表示一向有與無綫舊同事食飯，當中亦有高層，問他會否返無綫，他說：「世界有咩會無可能，咁嘅事都可以發生。」他揚言會出席遊行感謝支持。而沒有合約在身的彭國樑問到會否到其他電視台，他說：「睇吓有無人要我。」
另香港電視一姐張可頤透過微博向同事打氣，表示人心無價、永不放棄。而香港電視一哥黃日華則在微博留言表示離開了不快地到了柳州市，指公義和民意成為電視牌照風波的陪葬品，在當地順道為它們找四塊半。
文：影視組