周秀娜守齋唔急拍拖
周秀娜（Chrissie）前晚出席她主演的電影《爆3俏嬌娃》宣傳活動時打扮較平日密實，對此她說：「諗住留番啲驚喜畀大家入戲院睇。（戲入面好Sexy？）阿芝（該戲導演卓韻芝）好緊張我哋啲女仔嘅造型，要突出女仔嘅線條，要性感同靚，大家放心。」娜姐希望票房爆滿，至於慶功方式就要問導演，又笑言要阿芝以她在戲中的造型示人，又說阿芝不愛錫女生。
未有拍拖的娜姐坦言「齋」了很久，她說：「同阿芝佢哋一齊守緊齋。（有冇人追？）有，不過冇時間，啲人又冇表示，全部都係朋友。我守齋都ok，唔心急拍拖。如果遇到適合對象又有時間，大家相處到，都會想拍拖。」而同場的卓韻芝則拿Chrissie與關楚耀的緋聞來說笑。
另外，阿芝為宣傳她的棟篤笑，找英國男模拍攝親密床照。