陳豪錫晒茵媺爭做煮飯佬
陳豪與陳茵媺自婚後首次出席公開活動，昨晚兩人十指緊扣現身，陳茵媺着上灰色晚裝中門大開，十分性感，難得陳豪不介意。問到有傳兩人齊出活動酬勞高達50萬元﹖陳豪說：「唔係講酬勞，咁大型活動有份出席係好幸運。」另外，陳豪否認禁止太太復出一事，還笑言：「我係佢粉絲，佢唔拍嘢係損失。」而陳茵媺則指拍戲是她的夢想及動力，現代女性是可以兼顧事業及家庭。
另外，兩人又指BB腳頭好，陳茵媺表示BB在食早餐時最活躍，現已開始胎教。被問到不停出活動是否要搵多啲奶粉錢？陳豪搶答說：「呢個責任交畀我。」被問到有冇照4D睇BB樣，她說：「冇，我選擇順產，想佢揀一個特別時間見我哋，到時會知佢似邊個。」陳茵媺被問到老公係咪就晒佢，陳豪又搶答說：「梗係啦！（你負責煮飯？）會呀﹗我係煮飯佬，煮飯同沖咖啡都好叻。」陳茵媺即和應：「佢煮飯好好食。」兩公婆大晒恩愛。