曼玉變粉絲海倫美雲嗌「筍」
憑電影《英女皇》封奧斯卡影后的英國女星海倫美雲（Helen Mirren）日前訪港，昨晚現身酒店周年酒會，與同屬影后級人馬張曼玉碰頭，首次來港的海倫表現親民，大晒廣東話之餘，還力讚中國電影從業員質素高，西方應多多學習，非常識做。至於曼玉則化身小粉絲，為能一睹海倫風采而大感高興。
一西一中兩大影后海倫美雲與張曼玉昨晚同場出席酒店周年酒會，現年68歲的海倫身穿紅色喱士連身裙由老公Taylor Hackford陪同現身，高貴美艷，不過，行紅地氈期間，海倫不慎跌下耳環，幸得一男士為她拾起，海倫即時向對方報以微笑。
雖然大會事前表明海倫不接受訪問，但當她行經傳媒面前，見到有傳媒已準備好攝錄機及咪牌時，海倫竟停步受訪，表現親切，問到來港感受時，她開心地說：「今次係我第一次嚟香港，好興奮，其實回歸前已好想嚟。好幸運中國同英國有呢段歷史關係。」之後她又示範兩句剛學會的廣東話「咁好」、「咁筍」，非常搞笑。對於中國電影，海倫更加讚不絕口：「轉變緊、發展緊，導演、編劇、演員都好高質素，西方應該向東方學習，但對我嚟講，作為西方演員言論自由好重要。」她又點名稱最想跟中國女星鞏俐合作。
莫文蔚戒甜食
至於張曼玉對於有機會與海倫見面，她難掩興奮說：「好開心，我好鍾意佢。（佢做訪問時話言論自由好重要，你點睇？）我冇聽到，好難評論。」身為金馬50大使的曼玉被問到看好哪位演員封金馬影帝及影后時？她表示好難講，問及想頒獎給梁朝偉？曼玉忍不住甜笑：「唔知呢！」談到早前與台灣導演侯孝賢齊為金馬獎拍宣傳片，曼玉稱讚對方好人又肯遷就演員，至於對方有否游說她出山拍戲？她笑言：「傾吓囉！冇落實。」
同場莫文蔚與老公恩愛到場，提到她在入行20年的精選碟中附送性感寫真集，她笑笑口說：「係2005年嘅寫真集。老公覺得啲相好有型。（會唔會再影？）做過唔再重複，唔係為做而做。」她透露正忙於籌備在內地舉行的個唱，現要練氣及戒甜食。
文：名人組