貝安琪明冧陳展鵬等時間開始

貝安琪前晚出席置地廣場時尚盛事「boutique boulevard Naturally LANDMARK」活動，最近Ankie傳撻着陳展鵬及吳嘉龍（Carl），她回應兩段緋聞時大相逕庭，她未有正面回答是否與陳展鵬拍拖，但大讚他「人好、心地好」，問是否拍拖？發展中？她哈哈大笑說：「我哋都好忙，佢個人好好心地。（唔抗拒同佢發展？）睇下佢個人點先，認識多啲先。（日日聯絡？）都有聯絡，係朋友嗰種。（有傳佢秘婚？）你哋信唔信？我冇問佢。」

「畀佢好高分」

但問到與Carl的緋聞，Ankie卻即時否認：「佢都唔係我目標，係識好耐嘅朋友，嗰晚做完時裝騷一齊食飯。」當要求她在展鵬及Carl之中二揀一時，Ankie想也不想便揀陳展鵬，並再次讚他：「佢very nice，he's very good。Carl都nice，不過係朋友。（咁你同展鵬仲欠啲乜？）時間。（畀幾分？）你叫佢畀分我啦，我可能得零蛋，但我會畀佢好高分。（有冇同佢傾你哋嘅緋聞？）我哋有WhatsApp，佢啲英文好咗。（為你學英文，感唔感動？）佢好nice，自己都要學多啲語言，世界都會大啲，佢有教我廣東話。」神女表明有心，襄王是否有夢呢？

陳展鵬（右）	美國歌手Katherine McPhee（中）首度來港。	李玟的S形身材（圖）與谷胸JC一樣咁正！

前晚同場的還有美國流行歌手Katherine McPhee，她是首度來港，有去shopping及美甲，對於有人認得她大感開心，惜未有接觸到香港男士，談不上印象。出席活動的還有表演嘉賓李玟、Jessica C.等等，Katherine還與李玟聊天，大讚她很nice。

文：名人組