陳慧琳恤性活潑
由於shirtdress變化多端，每隔一陣子總會再次流行。時裝Blogger Janice認為shirtdress非常容易穿着，而且造型多變，正如全智賢的oversize boyfriend style恤衫簡單當連身裙穿，同時加上belt變成束腰款亦可；潮媽陳慧琳亦着得有型格，充滿活力！今季白領款式最流行，不過要拿捏得好，否則變成英國藝人嘉莉慕萊根（Carey Mulligan）穿得太嚴肅，Janice建議加上玩味重的accessories，如長身頸鏈、膠質頸鏈或有趣造型心口針。
陳慧琳
「着得好靚，已經有兩個小朋友嘅媽媽仍然着出年輕活力感。All back髮型好清爽，而呢套衫佢carry得好有型格，加上漆皮材質嘅裙，着到佢身形好高好瘦。」
嘉莉慕萊根
「第一眼已經畀我好女教師feel，好嚴肅。顏色仲要咁沉悶，再加上白領，有修女感覺，再加埋副眼鏡，令我諗起英國寄宿學校嘅女教師。」
何嘉莉
「佢係愛時裝愛扮靚嘅媽咪，雖然呢個造型好casual，但明顯花咗心思去配搭過先出街。對紅色boots好搶眼，充滿搖滾風，係造型嘅亮點。」
林欣彤
「對鞋着錯顏色，因為條裙唔係pastel colour而係鮮明實色，應該襯番深色系列嘅鞋，如果換對桃紅色高踭鞋會match好多，次選可以襯黑色鞋。」
全智賢
「好型格，係典型嘅恤衫設計成oversize boyfriend style裙款。有時唔需要咁複雜，簡潔美已經充滿年輕感，亦襯咗對現時流行整個造型嘅ankle boots，好啱佢個風格。」
水原希子
「屬於懷舊小淑女風，襯對白襪好可愛，啱晒佢年紀。由於條裙顏色較沉，加少少accessories如頸鏈或心口針會更好睇，加埋佢個post亦好可愛好吸引人，完成係人着衫嘅例子，若第二個着會顯得老土。」
Profile
王麗儀（Janice Wong）時裝作家及博客，是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。