謝安琪出碟 兩唱片公司聯手
謝安琪（Kay）今年中簽約台灣金牌大風，隨即於大中華地區大展拳腳，日前便推出國語專輯《謝-安琪》，並展開兩岸三地宣傳，奇怪的是香港發行卻交給星煥，星煥老闆何哲圖說：「Kay喺香港區事務主力由星煥安排，國語碟畀我哋發行會好啲同合一啲。（發行有錢袋？）梗係有啦。」
香港金牌大風發言人坦言與星煥關係友好，今次屬聯合發行，有關Kay在港宣傳國語都由他們負責，而Kay經理人夏森美直言今次是打破唱片公司的隔膜，他說：「因為香港金牌大風人事變動同埋重整公司結構，大家都好重視呢隻碟，可以講喺打破以前唱片公司同唱片公司嘅隔膜同唔合作。」另外，Kay前日出席北京舉行的新碟記者會，獲多位歌手方大同、孫燕姿、鄧紫棋等拍片支持。