將在下月再踏舞台舉行兩場個唱的黎瑞恩，前晚出席酒會活動被問到個唱籌備進度時，她說仍未開始綵排。對於早前扁桃腺發炎，小恩子表示已痊愈：「不過都會小心，因為我喉嚨好敏感，好易會腫。（怕不怕影響個唱演出？）唔會，因為唔會影響到聲帶，本來出席呢啲場合難免都會飲幾杯，但依家都唔敢喇，辣嘢都唔敢食，好彩都係忍兩個月啫！」她續說為令觀眾有驚喜，堅決不透露個唱嘉賓是誰。
