張家輝墮崖青雲古仔送煙酒呵番

張家輝、電影公司老闆林小明、麥浚龍及溫碧霞等，昨現身《香港亞洲電影節2013》記招，家輝主演的寰宇電影《掃毒》獲邀成為電影節的開幕電影，亦是羅馬電影節的閉幕電影，現場還首播電影預告片。林小明笑謂沒聽聞拍攝時的危險情況，家輝搞笑謂：「老闆你忙第二春吖嘛！」林小明說：「你睇到咩？」家輝答是看到報道。

爭獎玩大包圍

談到拍攝點滴，家輝說：「有場戲要喺懸崖跳落水，拍完驚魂未定，古仔就攞咗支啤酒畀我，青雲點咗支煙畀我，雖然當時呢兩樣嘢都唔係我再需要，佢哋好可愛，好支持我，感覺好溫暖。」家輝又笑謂兩人煙酒可免，給錢反而最實際。

預計《掃毒》提名金獎像影帝時，三位男角會爭崩頭，對此家輝說：「睇電影公司提名邊個啦，邊個攞獎都開心，呢套戲大家冇私心，唔存在競爭，亦唔會讓，讓先對朋友唔尊重。」家輝今年的作品有《同謀》、《激戰》及《掃毒》，有力媲美當年周潤發在金像獎同獲三項提名，對此家輝說：「大包圍啦。」

左起：古天樂、劉青雲與張家輝在《掃毒》中鬥戲。	樂壇新人蔚雨芯昨為《微交少女》撐場。	麥浚龍執導的《殭屍》口碑不俗，演員陳友也應記一功。

麥浚龍獲提名

麥浚龍執導的《殭屍》獲提名「亞洲新導演獎」，他希望該片上映時可邀家輝欣賞。溫碧霞則覺得新戲《微交少女》是自己成名作《o靚妹仔》的延續篇。

另外，電影公司負責人陳志明昨以宏發電影製作有限公司名義，發起車輛由葵涌遊行至政府總部，要求特區政府徹查有人涉非法將電影版權售予內地視頻網，現場有「抗議林小明交代一切」的橫額，林小明昨回應說：「要我交代啲咩？當年佢將啲戲交嚟出VCD，已經清楚交收。」

採訪：影視組