阿佘甜爆：佢好叻

今年38歲的佘詩曼於2009年和鄭嘉穎分手後，一直緋聞不斷，不過全是冇米粥，其好友湯盈盈、文頌嫻及姚樂怡等更已嫁了如意郎君，不少朋友都替阿佘心急。

熟練開尾箱

阿佘近日終打爛Dry缽，《好報》昨日踢爆她和貌似周杰倫、身高六呎的猛男夜遊兼當街打情罵俏。當時見戴帽、束辮的「六呎周杰倫」，舉手投足都散發藝術家氣質，並見他渾身是勁抽起兩大袋物品，熟練地拿車匙往阿佘座駕開車尾箱放好。當「六呎周杰倫」把車匙交給阿佘之際，兩人四目交投，更上演了世紀一拖！

之後阿佘駕車載「六呎周杰倫」夜遊，離開停車場時阿佘發現記者，即時笑到見牙唔見眼，並大方承認是和對方食飯。

阿佘駕車載「六呎周杰倫」到停車場搵位。	離開停車場時，阿佘對着記者甜笑。	《好報》踢爆阿佘有新戀情。

提拍拖即嗲

據阿佘好友透露，阿佘因家要裝修，想增添藝術氣息，於是在朋友介紹下認識壁畫師「六呎周杰倫」，兩人愈傾愈投契，男方更展開追求，阿佘又拜他為師。阿佘接受《好報》訪問時讚「六呎周杰倫」好叻，問他是否其男友，她嗲聲嗲氣說：「唔係啦！（佢幫你拎嘢？）佢係畫師！又係拎嘢師！（有咩吸引你？）佢好叻！畫畫我係低B組，希望佢可以提升我嘅興趣！（心急拍拖？）都想！依家想培養多啲興趣，所以學畫畫！」記者昨日致電阿佘，至截稿前未有回覆。

文：專案組