吳千語婚禮要簡單

吳千語昨日為「ESTEE LAUDER秋冬彩妝大匯演」示範「嫁」妝，大會還安排了小男孩化身「林小峯」向千語BB跪地送花及獻吻。談到理想中的婚禮，千語BB希望婚禮以簡單為主：「做呢行唔想連婚禮都搞到做騷咁。想喺一個好細嘅地方，請最close嘅親友。（男友林峯喺廈門係大家族，好難做到你要求？）未諗到，大家完全冇討論過。」雖然千語BB因箍牙而歪面，但昨日仍以素顏示範，勇氣可嘉，她稱與林峯拍拖時都是以素顏相對。