岑潔儀恨做賽馬主持
藝人岑潔儀（Zoey）近排忙完拍劇後，思前想後，未來她最想做的是主持工作：「我份人本身好多嘢講，雖然拍劇都好有成功感，不過做主持嘅時候人人都要聽你講嘢，好希望可以做到Do姐（鄭裕玲）咁。」她又謂之前出騷及上節目都做過很多次主持，覺得主持工作甚具挑戰性︰「因為好考臨場應變，要轉數好快先得。」
談到最想做哪類型節目主持，想不到她最想做的竟然是賽馬節目：「我自己其實幾鍾意賽馬，因為好刺激，我哥哥亦都係做賽馬主持，我結婚之前佢成日都會帶我去馬場識啲馬主同騎師。」她又笑言曾得哥哥的貼士而有所斬獲：「嗰陣啱啱開季，我哥話有所謂嘅『貼士』，贏咗幾千蚊，之後就一路有玩，不過都係少少咁玩囉。」