Super Gear水戰過激 導演叫停
組合Super Gear早前穿上背心短褲及比堅尼為新歌拍攝MV，身為隊長的文紫玲（Ling），竟被隊員圍攻，差點被扯衫至走光收場。另外，玩水槍自娛的Super Gear，因聲浪太大，竟被導演叫停，令她們尷尬非常。
女子組合Super Gear早前趁夏天結束前，即把握機會，身穿背心短褲及比堅尼為新歌《水著》拍攝MV。當日Super Gear拍足八個鐘仍面不改容，精力非常旺盛。新歌內容講述女孩子們別介意身材，無論肥瘦也好，健康才重要，問到隊長文紫玲（Ling）有否以性感示人？她笑言：「我好保守，性感都係留番畀新人做啦，我覺得着背心短褲都好性感o架！」
險走光出醜
Ling又自爆被隊員欺負，差點走光出醜，她說：「因為我哋有啲場口係要落水拍攝，點知我一落水，啲隊員就衝埋嚟想扯我件衫，但問題係嗰陣係拍緊o架，睇番playback嗰陣我好似係表現得好享受咁，但其實唔係！」
另外，Ling又坦言因成員眾多，有好幾次因唔聽話，被導演叫停，令她們尷尬不已，她說：「我哋唔使埋位嗰陣，就玩水槍解悶，結果十幾個女仔不停叫同玩，搞到導演都話覺得我哋好煩，搞到我哋都唔好意思。」Ling透露今次MV中首次有新成員加入拍攝，問到作為大師姐的她，有否感到壓力，她笑言：「我哋好隨和，都無咩特別，不過佢哋會叫我做師姐囉。（有無好似睇番以前嘅自己？）無呀，我嗰陣唔怕人嘅！」
文：專案組