田蕊妮自嘲失魂財政大臣
田蕊妮與杜汶澤結婚多年，關係一直如膠似漆，愛妻號阿澤更把收入全數奉獻，再由阿田每月「出糧」生活，別以為掌握財政大權的阿田很揮霍，坦言不習慣使老公錢，即使「失業期」也使私己錢，自嘲是一人銀行櫃台職員，每月向老公匯報戶口進度，笑指經常大懵忘記「出糧」，不時要對方提醒，認真搞笑！
田蕊妮於新劇《巨輪》由20歲演到50歲，與蕭正楠一同經歷幾個年代洗禮，由友情到最後發現生命不能缺少對方，阿田透露「巨輪」亦儼如自己人生，與老公杜汶澤經歷巨變後，互相令對方改變，亦因宗教信仰影響下，比從前更加珍惜對方，凡事未有從前般執着，不諱言若非經歷過，也不能勝任《巨》劇的姚文英角色，難怪她謂：「依家滿足我唔係有幾多架車，人哋點睇我，係我知道咩生活令自己開心。」
忘記發放「工資」
與阿澤從拍拖到結婚，阿田所付出的愛並沒想過有回報，外間斷定她是個堅強女子，不需要男仔保護，阿田笑指曾被身邊朋友取笑，問到是否真的不需要阿澤保護，阿田即一副冧樣謂：「佢都有保護，出糧啲錢畀晒我，但我性格係唔慣使老公錢，就算有幾年冇做嘢，都係使自己私己錢，老公試過幫我找卡數，但我感覺唔太好，都係鍾意自己一手一腳搵同使，佢有錢佢嘅事，出街食飯佢畀錢ok。」
阿田坦言老公的收入雖然全掌握她手中，但從來沒有動用對方一分一毫，當然她會默默監察戶口進展，每月向老公匯報，自嘲儼如櫃台職員，到時到候發放工資，不過阿田亦有大頭蝦時候，她謂：「試過唔記得出糧畀佢，佢就會借啲意問我。（阿澤大使？）都ok，我每個月畀15000佢，佢有時會懶得戚話我知佢儲到錢，但又唔知佢好多嘢碌咗卡呢！」
文：影視組