劉心悠懷疑自己性取向
「女神」劉心悠昨日出席活動，提到面上驚現粒粒，她指近日上堂練體能有許多地板動作，塊面要好貼地而導致生粒粒，並謂：「我仲練緊一字馬，但依家都係八字咋。（想做『打女』？）都希望，其實我好打得o架，畀人打都得。」
提到被拍得夜會余文樂兼「見家長」，心悠笑道：「今朝遇到化妝師、髮型師，佢哋恭喜我先知道發生咩事，我哋真係喺街撞到，之前合作拍戲後都冇聯絡。（對樂仔有否興趣？）佢係好專業嘅演員，嗰陣拍戲佢要打拳都幾辛苦，我嘅印象就係自己以後都要好打得。」記者指dry爆多時的心悠是時候拍拖，她即笑謂：「呢啲要隨緣，啲人愈講我就愈怕醜。（有人懷疑你鍾意女人？）講笑嘅都有，我都懷疑過自己鍾意女仔，但好肯定唔係，都係男仔吸引我多啲。」她又自爆中學時有女同學向她表白。