鄧麗欣瞞小方情慾倒奶
歌手鄧麗欣（Stephy）繼上月舉行了一個慈善相展，本月17日會再搞part2，事先張揚有火辣造型的Stephy，其穿上超窄黑皮背心、熱褲性感照終曝光，見她谷出微波，當她在梳化擺出仰臥甫士，更有倒奶效果，她笑說：「影完睇番啲相都覺得好似好勁，最緊要係靚。」Stephy坦言因皮背心太窄，裏面不能容納內衣，所以她要真空上陣，罕有露出事業線的她笑說：「我都估唔到，爛船都有三斤釘。」
先斬後奏
上次相展Stephy有張超激照，赤裸上身男模將頭塞入她穿着的小背心內，她笑說：「上次係意識上性感，但今次就係肉體上性感。」問她的性感慾照男友方力申（小方）可有過目？她笑說：「最近先畀佢睇，（先斬後奏？）少少啦。」可會邀小方出席part2相展？她笑說：「更加唔想佢嚟，（驚佢睇住你張性感照？）好尷尬，我費事佢畀人問啦。」
Stephy透露今次相展的造型以黑白相為主，亦會有照片、日歷等作慈善義賣。年底將簽新經理人公司的她，將主力再戰香港市場，結婚豈不是又要押後？她說：「冇諗過咁快，剛剛簽約唔通又話結婚。」
文：音樂組