黎芷珊以心會客齊齊喊
藝人黎芷珊去年主持《最佳男主角》受歡迎之餘，她更榮獲「最佳節目主持獎」，無綫乘勝追擊，再邀十多位重量級女演員炮製35集《最佳女主角》，包括：劉嘉玲、劉曉慶、楊千嬅、趙薇、袁詠儀、陳慧琳、羅蘭等。芷珊在節目中與眾女星分享她們的心路歷程，以及鮮為人知的小秘密。
問到芷珊用甚麼秘密跟人換？佢指：「我冇換呀，我連有幾多個男朋友都係公開秘密，反而啲嘉賓就好有信用，每人都送我一個小秘密。（訪問男主角同女主角有何分別？）我訪問嘅男主角，多數同我有交情，我諗同期成咗名嘅人會咁諗︰真可憐，捱到今日都仲係個記者仔。到做女主角時，我一開口，佢哋就答應，已經唔係可憐我。（因為你已成為名主持？）咁我又冇呢個感覺，我係個好眼淺嘅人，講到感性時，我會陪埋一齊喊，大家都能交心對話。」