咀女輸經驗胡鴻鈞捱摑

歌手胡鴻鈞（Hubert）拍攝新歌MV嘗盡甜頭與苦頭！他先與模特兒有多場親熱戲，無奈怕醜的Hubert與對方咀嘴時，自爆因經驗少致表現生硬狂吃NG，之後又要應付被摑鏡頭，幸好女模出手不重，否則瘦瘦的Hubert隨時腫過豬頭！

「巨聲幫」成員胡鴻鈞（Hubert）日前抽空為新歌《明白了》拍攝MV，導演Jacky特別找來模特兒Kenji任女主角，飾演情侶的二人先來個情深擁抱，接住被臨時安排咀嘴，由於Hubert未能做出導演要求，多次被叫Cut，搞到他一臉尷尬，最後要停機十分鐘讓Hubert培養情緒，才能一Take搞掂。

Hubert透露今次是他的銀幕初吻：「事前冇呢一幕，只係Good Bye Kiss，但拍拍吓同導演傾開，覺得錫嘴合理啲！（事前有否清潔口腔？）冇！一向有清潔牙齒，同埋都係蜻蜓點水。（NG好多次？）少經驗嘛，原諒吓啦！」他承認有份挑選女主角：「導演畀咗幾個女仔我揀，覺得Kenji幾好。」

另一幕講述Hubert遭女主角狠摑，他笑說：「佢都就住我嚟打，可能佢有呢方面經驗！」問到現實中有否被女友狠摑？自認好男友的Hubert表示：「冇，現實生活中我係好好嘅男友，會有鬧交時候，但會選擇唔講嘢，等下咗啖氣先。」

文：音樂組

咀女輸經驗 胡鴻鈞捱摑