麟李車輪戰 寸契仔鎅娜姐
關楚耀（Kelvin）近日與周秀娜的緋聞鬧得熱哄哄，令身為契爺的譚詠麟（阿倫），前晚也忍不住聯同李克勤八卦一番，把二人緋聞擺上枱，麟李更雙劍合璧你一言我一語，令Kelvin招架不住！
譚詠麟、李克勤前晚為音樂節目《左麟右李左Friend右Band大派對》錄影，除了契仔關楚耀外，「星夢傳奇」幫及多位圈中人亦有捧場，整個節目如同演唱會般，既有換衫及Encore環節，於阿倫與克勤帶動下，觀眾high爆。
約定露人魚線
事前表示準備向阿倫及克勤抓撈的Kelvin，還未搵到機會開口，已成為二人玩弄對象，阿倫先拉他上台唱歌，克勤甫開腔便謂：「你同麥當娜（周秀娜）係咪真？」Kelvin尷尬地回應：「真嘅，我個胸肌係真！」說罷阿倫接力：「半夜三更跑步？」Kelvin卻死撐：「跑下步啫！」克勤聞言即加多腳謂：「又唔見你同我跑？」令Kelvin招架不住，只懂傻笑。Kelvin對於日前被拍得與周秀娜夜跑而傳出緋聞，如今突然表示要增肥，問到此舉是否減少與對方見面時間？他口震震地說：「自己都可以跑，佢應該唔喺香港，唔清楚呀！」
阿倫獻唱《球迷奇遇記》時，更藉歌詞「起來，起來！」講有味笑話，他謂：「係宅男見到麥當娜都會有嘅反應。」期間更不停宣傳演唱會，笑指屆時會露人魚線。
克勤周身飛債
克勤對於年尾舉行的《左麟右李》演唱會反應熱烈，信用卡訂購已爆滿，笑言一身債，他謂：「我都欠好多飛債，所以唔好打嚟問我同阿倫，但加場可能性都大。（加幾多場？）因為後面係容祖兒接住個期，都唔會加太多。」祖兒日前為表演簽生死狀，問到其演唱會有否危險場面要簽生死狀時，克勤笑謂：「都唔使啦！我哋都已經係生死之交，而且呢個係開心show，唔會有危險動作。」
文：影視組