梁家輝拍戲受傷因禍得福

多位紅星舒淇、梁家輝、楊千嬅、黃奕、宋慧喬、劉曉慶等昨日到北京出席慈善活動,兩大女神舒淇、宋慧喬分別以「黑白雙煞」造型亮相,雖然包到實,但兩女的透視裝若隱若現更顯誘惑,身穿白色雪花長裙的舒淇翹實梁家輝踏紅地氈,成為全場焦點。千嬅、黃奕雖然上圍未有睇頭,但分別以低胸裝出席,同樣搶鏡。熱戀中的馮紹峰與倪妮則以情侶檔上陣晒恩愛。

早前因拍戲受傷的梁家輝透露傷勢康復進度理想,但原本安排的工作要延至明年初。他笑謂:「今次受傷真係因禍得福,因為太太知我受傷後唔可以再爬高爬低,同做啲高難度動作,所以都放心好多。」