婷婷非洲失竊搵拉姑求救
張栢芝日前攜兩子高調返港，自爆栢芝改了電話號碼聯絡不上而遭插爆的前姑仔謝婷婷，前晚出席活動時隻字不敢再提栢芝，只透露自己剛從非洲工作返港，並在當地患上肺炎及被偷錢，要致電母親狄波拉遙距求助。
婷婷前晚出席時裝活動，對於日前前嫂子栢芝帶着兩個兒子由加拿大返港，並否認移民當地，問婷婷可有探望兩姪兒？婷婷說：「冇喎，我都係啱啱先落機。（栢芝話自己唔係移民。）真係唔太清楚，我都係啱啱喺非洲返嚟。」她隨即轉話題稱非洲之行逗留了兩個多星期，為有關拯救動物的projcet拍攝。
失去聯絡
現場見婷婷不時咳嗽，原來她在當地曾患肺炎。她說：「我喺嗰邊有肺炎，已經好番，但仲食緊藥。」禍不單行的她更被偷錢，婷婷謂：「冇咗成8,000美元（約62,400港元），我要同媽咪求救，叫佢寄錢畀我，但咁啱我又要轉地方，去一個完全冇得同外界聯絡地方，直至兩日後先收到媽咪喺微信問我做乜唔覆佢？問我收唔收到錢？因為當地要用wifi都要坐半個鐘頭車。」她指當地警局簡陋，警員打字緩慢，急着離開的她被迫自己打報告。
險葬獅口
婷婷又指偷錢的人有計劃，問是否有「內鬼」？她答：「係，我住喺朋友屋企所以冇防範！」禍不單行的她又險被獅子吃掉，她猶有餘悸地說：「有一日去睇獅子，落車五分鐘後隻獅子就咬照顧佢嘅人，嗰個人傷勢都幾嚴重，好彩我咁啱喺另一邊落車，距離事發地點只有六米，好驚險。」不過婷婷翌日仍跟另一獅子拍照，難怪她笑言此行發生的事不應該告訴母親。
文：名人組