馬德鐘：「起雙飛」叻仔
梁烈唯將與女友Tina拉埋天窗，好友陳敏之原來是兩人的紅娘，對於有情人終成眷屬，敏之送上無限祝福，希望兩人盡快生BB。問可要唯唯補封媒人利是？敏之笑說：「佢識做o架喇。」又笑言因身高關係不會為新娘子擔任姊妹。而胡定欣與Tina是舊同學，與唯唯亦熟稔的她屆時大可做兄弟或姊妹，她說：「知佢哋ready咗好耐，但係仲未收到呢個喜訊，等我打去求證恭喜佢哋先。」
「關二哥」梁烈唯結婚，「關二嫂」黃智雯昨日即時致電對方求證：「不過之前講過，如果佢結婚會搵我做姊妹，我OK嘅。平時佢兩個好sweet，Tina又會送小禮物畀我，好細心，所以娶到個咁好嘅太太唯唯真係好有福。」至於馬德鐘亦雖然不知唯唯入紙申請結婚，恭喜之餘更望對方早生貴子：「如果雙喜臨門就叻仔。（送咩結婚禮物？）就係唔反對佢哋結婚。（包酒席？）男人要負番啲責任，照顧住佢係唔會成長。」
