許靖韻人細膽大嚇驚阿Sa

英皇女新人Angela昨日舉行新碟發布會，宣傳處女大碟。身穿米白色連身裙，腳踏五吋高踭鞋的Angela一出場就大騷音樂才華，自彈自唱兩首歌。曾和她合作電影的師姐阿Sa亦現身撐場，更送上豬仔錢罌，寓意師妹要懂得妥善理財；而英皇高層吳雨則送上孔雀毛筆一支，寄望Angela為歌迷簽名簽到手軟！

目標買磚頭

首次出碟的Angela坦言心情緊張，徹夜難眠：「有啲緊張，尋（前）晚瞓咗幾個鐘，呢排每日都係咁，瞓得四個鐘。」問到在旁的阿Sa可會過兩招給師妹？她笑說：「唔使啦！之前同佢做電影宣傳，去到每間戲院佢都清唱，佢膽量唔錯。」

另外，阿Sa表示送上錢罌是希望Angela儲錢買磚頭，問到Angela可有意置業？年僅20歲的她說：「當然有，呢個係我嘅目標，希望30歲前買到。」得知師妹年紀輕輕的阿Sa大呼恐怖，並說：「拍戲時身邊嗰啲演員全部都九幾年出世，真係長江後浪推前浪！」

文：音樂組