鍾嘉欣傷口郁吓都裂

早前拍劇受傷的鍾嘉欣昨晚出席MAX&Co.概念店開幕，見她戴上皮手套，她表示因品牌知道她的手受傷，故有此安排，談到傷勢，她表示：「有時郁到個傷口都會裂開。（下次拍動作戲會唔會有陰影？）唔會，但要提醒自己做任何動作前都要同武指好好咁傾，上次因為唔夠時間冇試位。」問到男友伍允龍有否安慰她？嘉欣直言對方大感擔心，並叮囑她要用保護墊：「其實佢之前有教過我，但自己都係唔小心。」
鍾嘉欣戴上皮手套保護傷口。
鍾嘉欣戴上皮手套保護傷口。

同場的應屆港姐冠軍陳凱琳表示小時候有想過當模特兒，但被指身高不夠：「我覺得做模特兒好好玩，又多唔同造型。（可能要性感？）我唔會揀嗰啲工作，我比較保守。（因為身材唔出眾？）唔係，覺得咁樣舒服啲。」同場有陳嘉桓及黃百鳴公司新人盛君行騷。

陳嘉桓為大會行騷。
  • 陳嘉桓為大會行騷。
陳凱琳笑言恨做模特兒。
  • 陳凱琳笑言恨做模特兒。