林峯捱眼瞓 返無綫開火

林峯前晚在華鼎獎奪得「中國最佳電視男演員」後，即漏夜從澳門返港，並於昨日早上近10時現身電視城為新劇《使徒行者》拍攝節目巡禮。人逢喜事的他透露只睡了數小時，但現場卻未見疲態，輕鬆應付爆破、翻車及槍戰等大場面。該劇講述飾演警察的林峯要混入黑社會做臥底，記者指他今次攞正牌Chok，他卻反問：「點解呀？（『Laughing哥』謝天華做臥底都好Chok。）我唔及佢嚟，佢anytime連瞓覺都Chok住瞓，我瞓覺Chok會厲頸。」

黎耀祥大方恭喜

榮升視帝的林峯坦言很高興，問到會否與女友吳千語食飯慶祝？他說：「平時都要食飯嘅。（佢即刻恭喜你？）梗係有啦！」他直言未有想過加價，至於有否考慮出外發展時，他即向無綫派定心丸：「其實我喺外面拍攝嘅工作，都係TVB幫我傾返嚟。（遺憾喺無綫未攞到視帝？）唔會，獎項真係一個bonus，最重要係嗰年有個角色令觀眾留意自己。」

前晚獲頒華鼎視帝的林峯隨即打手印做紀念。	黎耀祥拍攝節目巡禮時，獲龔嘉欣（左）及蓋鳴暉「服侍」。	未埋位拍爆破翻車戲份前，林峯Chok住試位擺型甫士。

另一邊廂，失落華鼎視帝的黎耀祥昨日與龔嘉欣、蓋鳴暉為另一套劇集《水髮胭脂》拍攝節目巡禮，祥仔大方恭喜林峯和陳法拉獲獎：「佢哋依家喺內地好有影響力，我自己就差啲，始終冇佢哋擺咁多時間。」祥仔指《水》劇純粹搞笑，多年沒拍喜劇的他能否應付？他笑謂：「點會唔得，以前扮羅記、豬八戒喎，不過以前後生可以誇張，依家年紀大要用另一個風格。」

此外，林峯於電影《詭嬰》中要拍攝駕電單車的戲份，他透露早年拍劇因頭盔尺碼不合，不慎觸傷頸部舊患，令他對頭盔有陰影：「拍打拍跳樓戲我唔驚，反而對戴頭盔拍戲有少少陰影，好在今次劇組安排一個復古頭盔畀我，輕啲又容易除。」

文：影視組