陳法拉恭喜「前妯娌」 廖碧兒大方祝福舊愛
曾與諸葛紫岐屢傳不和的「前妯娌」陳法拉昨日出席活動被問知否對方懷孕時，過往對Marie不願多談的法拉突然轉軚恭喜對方：「之前有聽過，恭喜佢。（佢佗B後有冇見面？）冇。（送禮物畀BB？）總之恭喜晒。（幾時到你生B？）我未有咁快。」法拉前晚在華鼎獎成為視后，她笑言凌晨五時才可睡覺：「同媽咪講電話好感動，媽咪話我講得最好嗰句係『會好好照顧身體，好好休息』，做父母最擔心仔女身體。」
另外，陳豪舊愛廖碧兒昨晚出席公開活動，她自爆病了兩星期，除忙於節目宣傳，稍後又要到新加坡工作，故無時間休息。提到陳豪一索得男，碧兒大方送上祝福，她謂：「戥佢地開心，希望BB健康啦。（羨慕？）冇得羨慕，戥人開心，都想將來有幸福家庭，冇得plan，識到適合嘅人自然會有。」