貝安琪關照陳展鵬 阿媽開戲預埋佢!
中德混血兒貝安琪最近有傳與陳展鵬拍電視劇《巨輪》撻着，兩人不時在微博傳情，貝安琪被問起與陳展鵬的緋聞，甜笑大讚男方靚仔又好人，直認兩人常有聯絡，還希望母親劉香萍能在開拍的電影中留個角色給「男友」。
陳展鵬與貝安琪（Ankie）拍無綫電視劇《巨輪》，兩人在劇中更有水中激吻戲，被指戲假情真，展鵬在微博上除大讚Ankie有智慧與美貌外，還上載與Ankie合照，寫上：「為甚麼我沒有愛上她！」雖然寫的是劇情，但私下其實勁冧Ankie，上周五相約睇演唱會。
貝安琪被問到是否與展鵬拍拖？她甜笑說：「我哋一齊拍《巨輪》所以熟咗，佢心地好好，有風度又靚仔，又識做戲。（係咪拍拖？）我哋兩個都好忙，睇吓點。（依家係咪日日有聯絡？）都有聯絡，我哋係好好嘅朋友。」Ankie說：「我依家忙緊拍媽咪套戲。（有冇畀個角色展鵬做？）當然想，但佢未必有期。」另外，有指展鵬為她而努力寫英文，她說：「佢英文幾好，我中文都唔好，大家good exchange，我中文都進步咗好多。」
劉香萍群星捧女
另外，Ankie現正拍攝由其母親劉香萍所開拍的電影《許願樹》，劉香萍為捧女兒不惜碌盡人情卡，請來米雪、洪金寶兒子洪天明等客串演出。日前，Ankie跟米雪一同到林村許願樹取景。Ankie表示從小已認識米雪，但首次與她合作，她說：「我成日都睇佢啲劇集，依家有機會同佢合作真係好開心。」
而陳展鵬昨日於電話中表示二人只是拍此劇而相識，否認拍拖，大家只是普通朋友。至於《巨輪》過去一周於通訊局接獲七宗投訴，指意識不有良及有不雅鏡頭。
文：名人組