高鈞賢抓銀 買dream car
無綫藝人高鈞賢、龔嘉欣、羅天宇昨日為劇集《水髮胭脂》拍攝節目巡禮，而前輩級的黎耀祥及蓋鳴暉則於大帽山拍攝。高鈞賢昨日專誠向友人借用辣跑林寶堅尼上陣拍攝，駕起dream car的他分外有型，他坦言做第一份工賺來的錢，用來買了一部日本跑車，結果被母親責備，笑言最終以「男人的眼淚」氹掂媽咪。最近高鈞賢承認換了一部二手跑車，問何時才買dream car？他說：「努力搵錢先。（你咁多生意！）都仲係努力緊！」
龔嘉欣曾經任性
嘉欣在劇中有四個男朋友，非常任性，昨日拍攝她見到羅天宇跳舞又跟着跳，見到有靚車又即上車，她跟羅天宇都有舞蹈底子，所以跳得有板有眼。嘉欣不諱言曾經歷感情任性的階段：「我唔係花心，只係我行我素，所以個角色都似我，但依家經歷多咗，定性啲。（有冇揸跑車嘅二世祖追你？）冇，從來有人追都唔會問人有冇錢，大家夾唔夾最緊要。」
羅天宇於劇中飾演第三者，但現實生活中未試過做第三者，現時仍是單身的他與舊愛苟芸慧有聯絡，互傳短訊，他覺得對方都開心、快樂。
文：影視組