陳奕迅：首歌難聽都係罪咩

歌神陳奕迅（Eason）、蔡卓妍（阿Sa）、周柏豪、連詩雅等歌手連同遠道而來的韓國女子組合2NE1，昨晚現身九展出席adidas Originals「#Unite All Originals Party」2013，提到Eason前日被惹火樂壇判官周啟生狂數「五宗罪名」，包括聲線麻麻、Hit歌難聽、大碟銷量差、欠交學費和冇回饋社會，「被告」Eason表示明白判官是為自己着想：「首歌難聽都係罪嚟嘅咩？周生係前輩，我感受到個意思係想我進步，但畀佢講完今晚自己都要落力啲，今晚唱新歌都排多幾次，唔好衰畀人睇。」
陳奕迅昨晚出騷表示要落力啲唱。
陳奕迅昨晚出騷表示要落力啲唱。

而有份行騷的阿Sa對於周啟生狂踩Eason，她力撐Eason：「一個藝人可以做到自己工作咁多年好難，攞到獎都唔代表No.1，可以企到最後先係No.1，（香港樂壇患末期癌？）唔覺，唔好咁多怨氣，香港歌手喺外地都好有叫座力。」

而2NE1透露師兄韓國人氣男子組合Big Bang有向她們大力推介香港的點心，四女又謂希望有機會到香港開騷。

阿Sa為品牌新一季運動服行騷。
  • 阿Sa為品牌新一季運動服行騷。
2NE1四女想品嘗港式點心。
  • 2NE1四女想品嘗港式點心。