溫碧霞身穿黃色露背裝到場，大晒白滑靚背，她表示此行見到尼古拉斯基治相當難忘，問她有冇入賭場玩兩手？她說：「有玩吓但冇咩贏。」前晚她謂有意返無綫拍劇，而昨晚紅地氈上，問到闊別無綫多年的羅嘉良可會想過回娘家拍劇？他謂：「之前曾志偉搵過我拍佢監製部劇，但因為當時太太懷孕所以推咗，真係要講聲唔好意思，都好想返去拍。」
