陳豪12月尾做老竇
將快榮升爸爸的陳豪，昨日出席活動時對太太陳茵媺腹中塊肉依然三緘其口，一再被追問生男生女時，只表示不到一頭半個月就可得知；據知茵媺預產期為十二月底，相信陳豪想待BB出世後才公開性別！
準爸爸陳豪昨日一大清早出席「全球首個Kinder + Sport童跑同樂馬拉松」活動。身為大使的他與小朋友合照及聊天，流露一副慈父樣子，並笑言今年多了很多小朋友fans，他笑說：「啲小朋友會自己走埋嚟影相，我都好鍾意同小朋友相處，對佢哋多咗份好奇。」
記者問陳豪是否已做足準備？他表示有做資料搜集，更有不少已為父母的朋友給予意見，另亦有買育嬰書參考，若有時間也會陪太太上產前課程。他指希望BB長大後做個好人：「希望佢為人設想有禮貌，唔想太過嚴。（你同太太邊個係做好人壞人？）我諗要『猜情尋』嚟決定！（會唔會陪太太去產檢？）一定會！希望陪佢度過成個階段。」談到BB的性別卻依然不肯透露，但他補充說：「唔使一頭半個月就知！」據知陳茵媺的預產期是十二月底，而陳豪亦已跟身邊人表示年底做老竇。他又謂早前太太駕車時發生小意外，所以日後盡量都會做柴可夫司機接送。
姚嘉妮全家出動
而同場的女星姚嘉妮、名模歐陽妙芝及趙嘉懿都分別攜子女出席，妙芝透露孻子下月6歲生日，會帶他們唱卡拉ok慶祝，又謂長子正學習十二項興趣班，認真誇張！
文：名人組