苗僑偉打天才波 型戰米雪
苗僑偉（三哥）連續六年為「御藥堂」擔任代言人，大會更請來他與米雪出席該公司昨日的上市記者會。三哥笑言續約代言希望有人工加：「識老闆好耐，當然想佢送股畀我啦！」除了送股，三哥今次續約酬勞高達七位數字，並與米雪齊齊拍浪漫共舞的廣告片，米雪昨日眼見三哥大讚他型爆上陣，原來三哥拍這條跳舞片事前毋須準備：「有米雪帶我已經有板有眼！」跳舞非三哥擅長，但做運動KeepFit的他倒是很勤力：「我平日踩單車、打Golf外又會行跑步機，男士要內、外注重健康，應酬飲酒多，尤其要食護肝保健品！」
期待與影帝拍劇
此外，與無綫仍有合約的三哥，明年一月將與影帝梁家輝合演新劇，三哥與家輝是無綫訓練班出身，前者更是師兄，兩雄相遇，三哥坦言期待這次合作，此劇題材則環繞警察內部鬥爭。對今次合作是否成事，三哥稱將有異數：「家輝個期好似唔得，最後可能未必合作到，（仲有佘詩曼？）有聽聞，不過，家輝真係演不到嘅話就好可惜，原本我好期待o架！（你哋係師兄弟？）我早佢一期訓練班，但就從未合作過，（黃秋生都話會拍無綫劇？）秋生我都好想合作！」
文：影視組