陳展鵬讚嘉欣夠硬淨
陳展鵬昨到電台宣傳與鍾嘉欣合演的新劇《巨輪》，談到嘉欣拍劇受傷，他說：「佢好硬淨，跳落7樓都唔驚，冇破相就得啦。」講到剛回港的陳茵媺日前發生四車相撞，展鵬就大嚇一跳：「冇嘢吖嘛？要小心啲，香港揸車要幾身手敏捷，小朋友冇事就得。」
他又表示無留意新劇收視，但希望觀眾多多包容「穿崩位」。他又為監製王心慰翻炒劇情一事解畫 說：「有少少元素一樣唔出奇，韓劇來來去去都係嗰啲題材啦，睇吓點包裝啫。」此外，通訊事務管理局接到9宗有關《巨輪》的投訴，指劇情不合理及沉悶，製作不認真、醜化香港人及替某商號賣廣告等。