關楚耀練歌變練波
歌手關楚耀（Kelvin）早前完成首個個人演唱會，當中其鋼條身形亦成為全晚亮點！不過在苦練身形期間，Kelvin曾一度迷惘，更經常反問自己：「點解練歌變咗練波？」
關楚耀（Kelvin）早前為了演唱會，苦練了弗爆身形，本來以為Kelvin完成任務後，對飲食會變得放肆，誰知他卻自動波變得自律起來：「完咗演唱會之後，我同屋企人去餐廳食飯，掀開餐牌，就覺得啲餸好油、好肥，可能食咗兩個月健康餐單，所以一見到啲『油嘢』就想反胃！」
大個仔拒拍散拖
Kelvin雖然現時外形討好，不過在付出無比代價的背後，他也曾一度迷失：「之前做健身，真係做到好攰，個教練係咁操我，我想停又冇得停，有一刻我問自己：『我係歌手，應該係練歌，點解變咗練波？』後來我諗清楚，我都想演唱會喺視覺、聽覺畀到最好觀眾！」
近日，Kelvin亦推出新專輯《Break Out》，當中亦不乏情歌，而問到哪一首歌最似他的寫照，他說：「有首歌叫《手刃情人》，表現出我對愛情態度嘅一種變化，同埋依家我更清楚自己想追求啲乜，亦都唔會亂蹝時間拍拖，因為我都三十歲啦，唔想再玩玩吓！」
MV自編自導自演
在新碟中，Kelvin首次為《手》曲MV進行自編自導自演，而他為避免重蹈一些死板橋段，Kelvin特意用偷拍方式：「拍完出嚟嘅評價都唔錯，因為我用咗個偷拍方式去拍，好過平時啲MV喊苦喊忽、失戀、摸吓隻窗嘅橋段，觀眾睇到又冇新意，我自己做完出嚟又好悶！」
攝：沈健程
化妝：Hetty Kwong
場地：宮崎日式燒肉Miyazaki
文：專案組