杜汶澤氹掂娜姐 等食撻

周秀娜與杜汶澤在王晶導演新片《爛滾夫鬥爛滾妻》中合作，娜姐坦言每日收工聽不到阿澤的搞笑gag會不開心，她說：「我最激嘅戲都畀晒阿澤，由頭到腳都咁鍾意佢，佢有內在美、幽默感，又成日請食嘢！（唔介意男人口花花？）講得出未必會做，我OK『口花男』喎！」受過情傷的娜姐對爛滾男、花心男另有體會，她說：「男人天性花心，女仔拍拖耐咗會更加愛對方，好難將愛同性分開，但咁唔代表我接受花心男，我唔會咁樣折磨自己！」

薛凱琪冇得比

阿澤聞得娜姐接受「口花男」，即口花花說：「點解我請娜姐食撻？因為『想人點對你，你先要點對人』，我期待娜姐請番我食撻！」阿澤又自揭最愛娜姐「特點」，他說：「我最鍾意娜姐腳上撻疤！（2011年拍《紙月亮》右腿遭電單車排氣管灼傷，傷口永久留疤），邊個女神冇疤？佢撻疤簡直係完美！」

娜姐最欣賞阿澤的幽默感。

娜姐表明唔接受花心男，避免折磨自己。

阿澤一番癡心的言論，逗得娜姐心花怒放，他更指前作《爛賭夫鬥爛賭妻》的拍檔薛凱琪無法相比，他說：「叫阿Fi（薛凱琪）攞把軟尺出嚟鬥咗size先講！佢見到娜姐都要自動去隆胸喇！娜姐係宅男女神！（唔怕老婆田蕊妮呷醋？）人係貪心，冇男人係真心唔爛滾，但我做呢行被人（目及）實，冇得作反，我老婆好放心！」

攝影：沈健程

場地：觀塘帝盛酒店

服裝：MinoMart（周秀娜）、Superdry（杜汶澤）

文：影視組