Psy下月秘密襲港 Asa自摸博埋身
有傳熱爆全球的韓國歌手Psy將於下月三號秘密襲港，為廣告進行拍攝工作，「爆E超蓮」鍾采羲師妹關莉莎（Asa）即把握全球公開招募「Psy女郎」的良機，拍攝熱舞短片瞓身自摸誘Psy，重搥出擊挑戰成為首位港版「Psy女郎」！
韓國歌手Psy人氣風靡全球，早前即獲本港耳筒品牌邀請擔任代言人，有傳他將於下月三日秘密抵港，偕兩名「Psy女郎」為廣告進行拍攝工作，故他早前聯同代言公司於全球招募兩名「Psy女郎」，並將會選出一名亞洲及一名海外代表，肩負此任務。
自認超級粉絲
自言是Psy超級粉絲的「爆E超蓮」鍾采羲師妹Asa，眼見機不可失，日前主動拍攝短片應徵，在Psy的歌曲作為背景底下，Asa以兩款性感造型上陣，上演一輪勁歌熱舞，除了做出經典「騎馬舞」動作外，她亦屢次擺出彎腰性感甫士，又不斷瞓身自摸，期間更狂騷長腿，實行以熱舞色誘Psy，企圖突圍成為首位港版「Psy女郎」！
樂意擔任導遊
除了勁歌熱舞外，Asa亦在訪問中「出口術」冧Psy，她自讚夠青春：「雖然身材唔係我賣點，但我覺得自己夠青春，又有活力，所以好有信心Psy會鍾意！」她又透露已諗定勝出後，將會擔任Psy的「私人導遊」，帶對方玩轉香港：「之前知佢嚟香港，只係停留一陣，未真正見識到香港，所以會帶佢去玩吓！」
文：專案組