「艱製」子丹日瞓3粒鐘
日前「宇宙最強」甄子丹透露為了新片每日只睡３小時，身兼三職的他更表示該片是他入行以來最艱辛的一次，更以「打到ＰＫ」來形容！
甄子丹日前拍攝電影《特殊身份》，身兼監製、動作指導和主演的子丹表示此片是他從演30年來最辛苦的一部戲，每日平均睡眠只有三小時，拍完之後更瘦了一圈：「我今次做監製係義務，冇另外收費，不過下次真係要諗清楚，原來做監製咁辛苦，係『艱製』就真，事無大小都關事。」去年十月因癌症去世的編劇司徒錦源亦有份參與此片，子丹對故友表示懷念：「司徒喺我最需要嘅時候幫我，佢病重時仲喺度傾緊呢部戲嘅進展，令我好感動！」
下年拍城寨
而昨日他出席巴士活動時亦希望香港觀眾會喜愛此片，他說：「我有成6年冇拍過時裝打戲，今次真係打到PK！（對票房有信心？）要睇番天時地利人和，唔係我哋控制到，希望觀眾鍾意。」剛開設電影公司的他透露下年會開首部戲：「係講九龍城寨，我希望自己拍嘅電影，無論題材同取景都留番喺香港。（都係打片？）唔打邊個畀錢我拍，都係自己做番演員，因為要賣埠，迎合番個市場。」
港片有團火
談到活動，他表示巴士給他很多回憶：「我細個嗰陣，爸爸同嫲嫲都成日帶我坐巴士，因當年冇車。（帶囝囝坐巴士？）香港唔方便，不過喺外國都會坐下雙層巴士當親子樂，佢喺屋企都會玩玩具巴士。」子丹又透露小時候住觀塘：「我有時經過觀塘都會同囝囝講爸爸當時就係喺度住同玩。」談到香港有五部電影入圍亞太影展，子丹大讚證明港產片還有「團火」！
文：影視組