JC「峰」騷施誘趙勁皓冇反應

擁有噴血警鐘胸的混血模特兒Jessica C.昨日與男模特兒趙勁皓以男女主角身份為有份主演的舞台劇拍攝造型宣傳照，JC更大晒東西半球加滑溜美腿，兼露出半個pat pat，性感指數爆燈。

他們異口同聲表示是首次演出舞台劇，JC說：「大家都係第一次，我覺得好興奮，都有啲緊張。雖然我都會着內衣拍廣告或者行內衣騷，但從未試過咁性感喺現場演出，同埋有男對手，感覺好似有少少赤裸裸咁。（你哋有無親熱戲份？）男女感情本身已經係一種親密嘅關係，但仲未知會唔會有親密戲。」而趙勁皓就指導演要賣關子，可能情感到就會有。他坦言現在也感到很緊張，還不停流汗，他說：「着咗呢條褲我郁唔到，貼晒膠紙，又要一路谷住啲腹肌。（你平時都成日露。）平日淨係露上身，下身着住好多o架。」而兩人演出時的服飾將會更加誇張。

挑戰廣東話

問到趙勁皓面對性感的JC可會需要多點定力，他說：「需要o架，佢真係好性感，不過我今日睇番自己都好性感。（驚唔驚會有生理反應？）應該唔會，我之前同師姐周秀娜拍親熱戲時都無，佢哋兩個都係性感女神。」兩人仍未開始排戲，稍後將有為期20日的排練，並於12月公演6場。

不懂廣東話的JC演出時可能會說廣東話對白，她說：「到時或者會講少少廣東話，我想試吓，不過仲未練習，嚟緊我會努力練吓。」趙勁皓也想JC以廣東話對白演出，他說：「故事係講佢將我由處男變成男人，佢講廣東話會好啲，唔係我驚我會聽唔明。」文：名人組