郭富城昨日出席PCCW-HKT「神級領域 驚世傳奇」記招時，心情勁靚不斷擺甫士，又起腳凌空打手印，城城笑言不是「低頭族」：「我係正常族，一工作就會將電話交畀助手。」問到有否試過傳情慾短訊給女友？城城甜笑說：「冇喎，都冇人Send畀我。（試過用手機上網睇「靚女」相？）冇，睇靚仔相。（轉口味？）睇自己嘅靚仔相。」
至於城城憑主演電影《同謀》入圍亞太影展爭影帝，他開心說：「多謝評審畀我一支強心針。（有信心？）做演員一定要有。」
