葉麗儀順勢玩嘢 唔妥陳潔靈

歌手陳潔靈和葉麗儀前晚一同到now TV，接受節目《操控音樂》訪問，曾傳出不和的二人一見面便雞啄唔斷，更不時拿不和傳聞來搞笑，即席上演一幕「藐嘴大龍鳳」！陳潔靈笑言︰「話我哋唔係咁friend，唔好坐咁埋！」葉麗儀聽罷即用背脊「得」住陳潔靈，非常搞笑！兩人將和肥媽於下月5及6日，在紅館舉行兩場《３個女人一個墟2013唱過界演唱會》，但前晚只得「兩個女人」，陳潔靈解釋︰「肥媽唔嚟得呢個台，係合約問題，之前我哋三個都有一齊上《勁歌》做訪問。」陳潔靈又奇怪不和傳聞從何而來︰「你覺得我哋會唔會唔啱？上年開始傳我哋唔啱，但係我哋就一直有合作。」