張兆輝污糟嘢入眼

熱播劇《神槍狙擊》男主角張兆輝前晚出席電影首映，前日被拍到割眼瘡的他左眼貼上紗布，但他仍堅持赴會：「個幾月前已經book咗割眼瘡，點知撞正首映，冇得改期，之後仲要覆診。（要包紗布幾耐？）其實唔包都得，但醫生話驚有細菌，之後都唔會影響工作，可能有一排會少少瘀，咪搵化妝品遮囉！」問到眼瘡是否「狙擊」裝人沖涼所致？張兆輝即大笑表示只是污糟嘢入眼，變成獨眼龍後大失距離感，行路有點不慣，落樓梯要分外小心。