古仔青雲同心晒兄弟裝

由劉青雲、古天樂（古仔）、李心潔及唐詩詠等主演的寰宇電影《逃出生天3D》前晚在尖沙咀舉行慈善首映，古仔及青雲均穿上西裝褸、恤衫及牛仔褲到場，連西裝褸的質料亦一樣，猶如兄弟裝！兩人笑言事前沒有夾定，古仔說：「男人老狗唔通打電話問佢着咩咩？」兩人表示今次是第十二次合作，青雲笑說：「其實一開始已經膩o架喇！緣分囉！我哋都冇得揀。（好有默契？）着衫係囉！」對於被指有份投資《逃》片，古仔作出否認：「冇咁嘅事！（有冇興趣搞電影？）冇回應！（如果係就搵青雲做主角？）一定啦！（有冇人搵你投資？）冇喎！我享受做演員，投資電影風險大，除非真係十拿九穩先考慮。」青雲亦表示對電影沒有興趣投資，寧願繼續拍戲。

李心潔孕味濃

身穿紅色鬆身裙的李心潔孕味甚濃，但她否認有喜，提到同期出道的吳佩慈懷孕四個月，她即恭喜對方，不過已有一段時間沒有聯絡。問到何時輪到她宣布喜訊？心潔笑說：「我都想，順其自然，唔好畀自己太大壓力。（老公有冇壓力？）佢冇，佢（同前妻）有個女，可能係我想要多啲，都想有做媽媽嘅經驗。（食補品？）盡量生活習慣健康啲，最近有跑步、耍太極同練氣功。（做打女？）我都可以o架！」

Lynn睇騷（目及）靚仔

前來捧場的熊黛林（Lynn）透露在黃百鳴的賀歲片中與內地男星于波演一對，問到是否最近喜愛高大男士？她說：「咁啱安排又高又大隻嘅男星畀我，都幾襯呀！今次唔使就喇！」她表示將到巴黎出席時裝周，笑言會睇靚仔，但無意找個外籍男友。另外，青雲、古仔及心潔等昨日到北京繼續宣傳，兩位男主角穿上消防員制服到場。

文：影視組